қорғаныштық қару-жарақ

(Защитное вооружение)

ұрыс кезіндегі қорғаныштық құралдар. Оқатар қару кең қолданғанға дейін Қ.қ-ж., негізінен, лақтыратын және суық қарудан қорғану үшін қолданылды. Оған жататындар: бас киімдер (дулыға, ерихонка, жез телпек); дене сауыт-сайманы (сауыт, панцирь, латы (сауыт)), кольчуга, зерцало, бахтерец және т.б.), әр түрлі детальдар (өмілдірік, бармица, қалқан, наручи, поножи, қолғап және т.б.) және қалқандар. Әскери атты қорғау үшін металл шығыршықтар немесе пластикалар салып тоқылған тығыз мата қолданылады. XVIII ғасырдан бастап ауыр қорғаныштық қару-жарақ жойылып, ХІХ ғасырда тек жеңіл қорғаныштық қару-жарақтар ғана қалды (каска, кираса және т.б.). Бірінші дүниежүзілік соғыста оқатар қарудан қорғану үшін темір каскалар, дулыға қолданыла бастады.